De conformidade co disposto no Decreto 80/2005, do 31 de marzo, polo que se regulan os servizos de transporte público a lugares de lecer, a empresa Santiaguesa Metropolitana, S.A. presentou solicitude de establecemento do servizo para a ruta Ponte do Porto-Santa Comba.
Unha vez examinada a solicitude e de acordo co artigo 6.2 do citado decreto, este Servizo de Mobilidade elevou proposta estimatoria á Dirección Xeral de Mobilidade. En consecuencia, o 20 de abril de 2011 esa dirección acordou establecer o servizo solicitado e ordenou a súa publicación no Diario Oficial de Galicia e a apertura dun trámite de información pública.
En consecuencia,
RESOLVO:
– Publicar como anexo os datos básicos do servizo.
– Abrir un prazo de 20 días hábiles, contados a partir da publicación desta resolución no Diario Oficial de Galicia, para que os empresarios de transporte poidan presentar a solicitude de autorización para prestar o servizo.
Para estes efectos, deberán presentar a documentación que se relaciona no artigo 6.1.º do Decreto 80/2005, do 31 de marzo, polo que se regulan os servizos de transporte público a lugares de lecer.
A Coruña, 29 de novembro de 2011.
César Concheiro Ceide
Xefe do Servizo de Mobilidade da Coruña
ANEXO
Ruta: Ponte do Porto-Santa Comba.
Paradas: Ponte do Porto (bar Brasil), Vimianzo (parada liña), Baio (parada liña), Zas (parada taxis), Santa Comba (campo da feira).
Calendario: sábados do ano 2011.
Horarios:
Ida: 23.40.
Volta: 06.00.
Prezo: 10 euros por noite.