Eulogio Montaña Miranda solicitou desta alcaldía licenza municipal para a actividade de carpintaría (anexo II do Decreto 133/2008) que se vai situar na Igrexa, 37-Baíña-Baiona. Cumprindo o disposto no artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo período de vinte días hábiles, co fin de que durante este, que comezará a contar desde o día seguinte ao da inserción deste edicto no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.
Baiona, 28 de novembro de 2011.
Jesús Vázquez Almuiña
Alcalde