Aprobado o expediente de contratación que a seguir se identifica, mediante Resolución do 19 de decembro de 2011, procédese agora a efectuar o anuncio de licitación deste.
Esta resolución constitúe un acto de trámite para os efectos do parágrafo segundo do artigo 107 da Lei 30/1992, do 26 de novembro, de réxime xurídico das administracións públicas e do procedemento administrativo común.
1. Entidade adxudicadora:
a) Organismo: Presidencia da Xunta de Galicia.
b) Dependencia que tramita o expediente: Secretaría Xeral para o Deporte.
2. Obxecto do contrato:
a) Descrición do obxecto: contratación do servizo de transporte e manutención en ruta para os participantes nos campionatos de España en idade escolar convocados polo Consello Superior de Deportes durante o curso 2011-2012.
b) Lugar de execución: nas condicións do prego de cláusulas administrativas particulares.
c) Prazo de execución: curso 2011 a 2012.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
4. Orzamento base de licitación:
Importe sen impostos: 55.555,55 €.
Impostos: 4.444,44 €.
Importe total: 59.999,99 €, impostos incluídos, e conforme a seguinte distribución por anualidades:
Ano 2012: 59.999,99 €, impostos incluídos.
5. Garantías:
a) Garantía provisional: non se exixe, ao abeiro do disposto no artigo 91 da Lei de contratos do sector público.
b) Garantía definitiva: cinco por cento (5%) do importe de adxudicación, impostos excluídos.
6. Obtención de documentación e información:
No Servizo de Contratación e Xestión Económica da Secretaría Xeral para o Deporte. (Estadio Multiúsos de San Lázaro, s/n-porta 4, 15781 Santiago de Compostela. Teléfono: 981 54 26 26. Fax: 981 54 26 39).
Os pregos de cláusulas administrativas particulares e prescricións técnicas a que se refire o parágrafo anterior poderán ser consultados tamén na rede da internet (www.contratosdegalicia.es/resultado.jsp?N=17056).
Requisitos específicos do contratista:
a) Clasificación, se é o caso: non se exixe.
b) Solvencia económica e financeira e solvencia técnica e profesional: a acreditación efectuarase mediante a presentación dos documentos sinalados no prego de cláusulas administrativas particulares.
7. Presentación de ofertas:
a) Data límite de presentación: ás 14.00 horas do décimo quinto (15) día natural posterior á publicación desta resolución no Diario Oficial de Galicia.
b) Documentación que hai que presentar: a requirida polo prego de cláusulas administrativas particulares.
Os contratistas que se atopen inscritos no Rexistro Xeral de Contratistas da Comunidade Autónoma e así o fagan constar na carátula do sobre «A» (documentación administrativa) quedarán exonerados de presentar a documentación a que se refire o artigo 5 da Orde do 23 de outubro de 1995 (DOG do 10 de novembro).
c) Lugar de presentación:
No Rexistro Público da Secretaría Xeral para o Deporte (Estadio Multiúsos. San Lázaro, s/n-porta 4. 15781 Santiago de Compostela. Fax: 981 54 26 39), tamén poden ser enviados por correo dentro do prazo de admisión.
8. Apertura de ofertas:
a) Entidade: Secretaría Xeral para o Deporte.
b) Enderezo: Estadio Multiúsos San Lázaro, s/n-porta 4, 15781.
c) Localidade: Santiago de Compostela.
d) Data: o quinto (5) día hábil seguinte ao de rematar o prazo de presentación de ofertas. De coincidir este en sábado, pasará ao seguinte día hábil.
e) Hora: 10.00 horas.
9. Outras informacións:
A mesa de contratación comprobará en acto previo a documentación do sobre A e publicará no taboleiro de anuncios dos servizos centrais da Secretaría Xeral para o Deporte o resultado de apertura, para que se emenden, se fose o caso, e dentro do prazo que se indique, os defectos materiais observados na dita documentación.
10. Gastos do anuncio:
Este anuncio será por conta do adxudicatario, así como, se é o caso, a inserción do seu extracto nos medios de comunicación escrita.
Santiago de Compostela, 19 de decembro de 2011.
Por desconcentración (Decreto 325/2009)
José Ramón Lete Lasa
Secretario xeral para o Deporte
