Tentada por dúas veces a notificación no último domicilio coñecido e despois de ser devolta polo servizo de Correos por resultar imposible a súa práctica, de conformidade co establecido no artigo 59.5 da Lei 30/1992, do 26 novembro, de réxime xurídico das administracións públicas e do procedemento administrativo común, por medio desta cédula notifícase a Motonáutica Esmar, S.L. que se está a tramitar o recurso contencioso-administrativo, procedemento ordinario 625/2011, no Xulgado do Contencioso-Administrativo número 1 de Santiago de Compostela, interposto polo Club Náutico Caramiñal, contra resolución do ente público Portos de Galicia do 10 de xuño de 2011 sobre adxudicación definitiva do concurso para a explotación para instalacións náutico-recreativas no porto da Pobra do Caramiñal, co fin de que poida comparecer, se o considera oportuno, perante o dito xulgado, no prazo de nove días contados desde o seguinte ao da publicación desta cédula no Diario Oficial de Galicia.
Santiago de Compostela, 15 de decembro de 2011.
José Ignacio Villar García
Director de Portos de Galicia