En sesión que tivo lugar o día 14 de decembro de 2011, o tribunal nomeado pola Orde do 28 de novembro de 2011 para cualificar o proceso selectivo para o ingreso pola quenda de promoción interna e cambio de categoría na categoría 050 do grupo III de persoal laboral fixo da Xunta de Galicia, en execución da sentenza ditada polo Xulgado do Social número 2 de Lugo o 8 de xuño de 2007 nos autos número 116/2007,

ACORDOU:

Primeiro. Facer pública a puntuación provisional da fase de concurso obtida pola aspirante M.ª Josefa Díaz López, que se incorpora como anexo a esta resolución, e que se atopa exposta nos taboleiros de anuncios da Consellería de Facenda e nas súas xefaturas territoriais, así como na páxina web www.xunta.es

Segundo. Conceder un prazo de dez (10) días hábiles, contados desde o seguinte a aquel en que se publique esta resolución no Diario Oficial de Galicia, para os efectos de que os interesados presenten as alegacións que consideren oportunas en relación con esta resolución, que deberán ir dirixidas á Consellería de Facenda.

Santiago de Compostela, 14 de decembro de 2011.

Gema Montero Gamarra
Presidenta do tribunal III-050

Anexo