A Comunidade Autónoma de Galicia dispón da propiedade do edificio sito na rúa Airas Nunes de Santiago de Compostela, de acordo coa escritura pública de cesión do 1 de decembro de 2006 do Concello de Santiago de Compostela. Tendo en conta a necesidade de espazos da Fundación Galega da Formación para o Traballo, faise precisa a adscrición parcial do referido inmoble.
Logo de informe de valoración do Servizo de Investigación Patrimonial e Obras, tramitouse o correspondente expediente de adscrición de conformidade co artigo 21.4.º do Decreto 50/1989, do 9 de marzo, polo que se aproba o regulamento para a execución da Lei 3/1985, do 12 de abril, do patrimonio da Comunidade Autónoma galega, e estableceuse unha nova repartición de superficies, así como a porcentaxe de participación nos gastos.
Na súa virtude, por proposta da conselleira de Facenda, e logo de deliberación do Consello da Xunta de Galicia, na súa reunión do día dous de decembro de dous mil once,
DISPOÑO:
Artigo 1.
Adscríbense á Fundación Galega da Formación para o Traballo os espazos que se relacionan a seguir, no edificio sito na rúa Airas Nunes de Santiago de Compostela, de acordo co informe de valoración que figura no expediente:
Planta semisoto |
Planta baixa |
Planta 1.ª |
Total |
Porcentaxe ocupación |
|
Fundación Galega da Formación para o Traballo |
272,3 m2 |
------- |
------- |
272,3 m2 |
10,51% |
Artigo 2.
A adscrición confire á entidade sinalada as facultades de administración, xestión e conservación do ben, e participará nos gastos derivados dos consumos de auga, electricidade etc., así como dos mantementos das instalacións ou servizos que vaian ser compartidos, en proporción á porcentaxe de ocupación indicada no artigo anterior.
Artigo 3.
A Consellería de Facenda, a través da Secretaría Xeral Técnica e do Patrimonio, levará a cabo os trámites necesarios para a efectividade do disposto neste decreto.
Santiago de Compostela, dous de decembro de dous mil once.
Alberto Núñez Feijóo
Presidente
Marta Fernández Currás
Conselleira de Facenda