1. Entidade adxudicadora.
a) Organismo: Consellería do Medio Rural.
b) Dependencia que tramita o expediente: Servizo de Contratación.
2. Obxecto do contrato.
a) Tipo: servizo.
b) Descrición do obxecto: servizo de limpeza en varias dependencias da Consellería do Medio Rural.
c) División por lotes e número: si, 12.
Lote 1. Oficinas agrarias comarcais. Provincia da Coruña; lote 2. Oficinas distritos forestais. Provincia da Coruña; lote 3. Oficinas Dirección Xeral de Conservación da Natureza. Provincia da Coruña; lote 4. Oficinas agrarias comarcais. Provincia de Lugo; lote 5. Oficinas distritos forestais. Provincia de Lugo; lote 6. Xefatura Territorial e oficinas agrarias comarcais. Provincia de Ourense; lote 7. Oficinas distritos forestais. Provincia de Ourense; lote 8. Oficinas Dirección Xeral de Conservación da Natureza de Ourense; lote 9. Oficinas agrarias comarcais. Provincia de Pontevedra; lote 10. Oficinas distritos forestais. Provincia de Pontevedra; lote 11. Oficinas da Dirección Xeral de Conservación da Natureza. Provincia de Pontevedra; lote 12. Centro de Investigación Forestal de Lourizán.
d) Lugar de execución/entrega: o que especifique o prego de prescricións técnicas.
e) Prazo de execución/entrega: 3 anos desde a formalización do contrato.
f) Admisión de prórroga: prorrogable por períodos anuais ata un máximo de tres.
3. Tramitación e procedemento de adxudicación: ordinaria e aberto.
a) Criterios de adxudicación: recollidos no prego de cláusulas administrativas particulares.
4. Orzamento base de licitación:
Importe neto: 1.091.694,96 €, IVE (18%): 196.505,09 € (cuxa distribución por lotes é a que se especifica no prego de cláusulas administrativas particulares). Importe total: 1.288.200,05 €.
Valor estimado: 2.183.389,92 euros (sen IVE), incluídas posibles prórrogas.
5. Financiamento: fondos propios da Consellería do Medio Rural.
6. Requisitos específicos do contratista.
a) Clasificación: grupo U, subgrupo 1, categorías A, B ou C, segundo o apartado J da carátula.
b) Solvencia económica e financeira e solvencia técnica e profesional, se é o caso: véxase prego de cláusulas administrativas particulares, letras H e I.
7. Garantías exixidas: Definitiva: 5% do importe de adxudicación, excluído o IVE.
8. Obtención de documentación e información.
a) Entidade: Secretaría Xeral Técnica da Consellería do Medio Rural. Servizo de Contratación.
b) Domicilio: edificio administrativo de San Caetano, s/n. 15781, Santiago de Compostela.
c) Teléfonos: 981 54 57 48 (consultas administrativas), 981 54 57 87 (consultas técnicas).
d) Telefax: 981 54 57 92.
e) Correo electrónico: licitacion.mediorural@xunta.es
f) Data límite de obtención de documentos e información: Ata a data límite de presentación das ofertas, todos os días laborables, excepto sábados, desde as 9.00 ás 14.00 horas.
Tamén se poderán obter os pregos relativos a esta contratación a través da internet no enderezo www.contratosdegalicia.es/resultado.jsp?N=17041
9. Presentación de ofertas.
a) Data límite de presentación: o prazo de presentación das ofertas empezará ao día seguinte ao da publicación deste anuncio no Diario Oficial de Galicia e finalizará o día 16 de xaneiro de 2012.
b) Documentación que se presentará: a indicada no prego de cláusulas administrativas particulares.
c) Lugar de presentación: o único rexistro válido será a oficina de Rexistro Único e Información da Xunta de Galicia (edificio administrativo de San Caetano, s/n, 15781 Santiago de Compostela), e poderase enviar por correo dentro do prazo de admisión sinalado a este rexistro único, conforme o disposto no artigo 80 do Real decreto 1098/2001, do 12 de outubro, polo que se aproba o regulamento xeral da Lei de contratos das administracións públicas. A presentación das proposicións en lugar distinto do sinalado será causa de rexeitamento ou exclusión. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 57 92).
d) Prazo en que o licitador estará obrigado a manter a súa oferta: dous (02) meses contados desde a data de apertura das proposicións.
10. Apertura das ofertas.
a) Enderezo: edificio administrativo San Caetano, s/n. A sala indicarase na plataforma de contratación coa suficiente antelación.
b) Localidade e código postal: Santiago de Compostela, 15781.
c) Datas e horas:
A apertura dos sobres B terá lugar, en acto público, o día 30 de xaneiro de 2012.
Hora: 12.00 horas.
11. Gastos de publicidade: serán por conta do/s adxudicatario/s.
12. Data de envío do anuncio ao Diario Oficial de la Unión Europea: 15 de decembro de 2011.
13. Outras informacións: datos para a subrogación dos traballadores no anexo XIII do prego de prescricións técnicas.
Santiago de Compostela, 15 de decembro de 2011.
P.D. (Orde 24.4.2009; DOG n.º 81, do 28 de abril)
Jorge Atán Castro
Secretario xeral técnico da Consellería do Medio Rural