De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento para acreditación de representación no recurso de reposición presentado por Alfredo Vilela Santalla en nome e representación da entidade mercantil Santoscón, S.L., contra a Resolución do 28 de xullo de 2011 da directora da Axencia de Protección da Legalidade Urbanística, no expediente de referencia, na cal se ordena a suspensión das obras que se están a executar no lugar O Baturro, núm. 1, San Román de Montoxo, no termo municipal de Cedeira, provincia da Coruña.

Unha vez comprobada a documentación achegada e constatada a ausencia de acreditación da representación que di ter Alfredo Vilela Santalla para actuar en nome e representación da devandita entidade mercantil, requíreselle para que, de conformidade co artigo 32.3 da Lei 30/1992, do 26 de novembro, de réxime xurídico das administracións públicas e do procedemento administrativo común, emende a falta de representación por calquera medio válido en dereito, nun prazo de dez días hábiles contados desde o día seguinte ao da publicación desta cédula, con indicación de que, se transcorrido o dito prazo non o fixer, se lle terá por desistido do seu recurso, coas consecuencias que diso deriven (artigo 71.1 da Lei 30/1992).

Para que conste e lle sirva de notificación ao citado interesado, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 30 de novembro de 2011.

María Martínez Allegue
Directora da Axencia de Protección da Legalidade Urbanística