O Pleno desta corporación local, por acordo número 3527, adoptado na sesión do día 20 de maio de 2011, acordouse aprobar o Convenio urbanístico de planeamento e xestión entre o concello de Poio e Manuel Rial Buceta e María Jesús Nieto Quintillán, asinado polos interesados o 21.4.2010. O dito convenio, a que se refire a xestión, sométese a información pública no prazo de 20 días hábiles, contados a partir da publicación deste anuncio no Diario Oficial de Galicia, segundo establece o artigo 236 e seguintes da Lei 9/2002, do 30 de decembro, de ordenación urbanística e protección do medio rural de Galicia e posteriores que a modificaron.

Contra o dito acordo pódese, directamente no prazo dun mes, desde a publicación, interpoñer o recurso potestativo de reposición ante a alcaldía, de conformidade co disposto nos artigos 107.1 e 116.1 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, pola que se modifica a primeira ou ben directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses computados a partir do día seguinte ao da recepción da notificación, consonte o establecido nos artigos 8.1 e 46.1 da Lei 29/1998, do 13 de xullo, reguladora da xurisdición contencioso-administrativa.

De interpoñerse o recurso potestativo de reposición, este deberá ser resolto e notificado no prazo dun mes, segundo establece o artigo 117.2 ante a devandita Lei 30/1992, modificada pola Lei 4/1999, entendéndose desestimado o recurso de reposición polo transcurso do mencionado prazo sen resolución expresa notificada, de conformidade co establecido no artigo 43.2 da Lei 30/1992, modificada pola Lei 4/1999, podendo entón os interesados interpoñer o recurso contencioso-administrativo dentro do prazo de 6 meses contados desde o día seguinte a aquel en que se deba entender presuntamente desestimado ou recurso de reposición interposto, consente ao establecido no artigo 46.1 e 46.4 da Lei 29/1998, reguladora da xurisdición contencioso-administrativa.

Non obstante, tamén se poderá interpoñer calquera outro recurso que os interesados estimen procedentes conforme a dereito.

Poio, 23 de setembro de 2011.

Luciano Sobral Fernández
Alcalde