A directora da Axencia de Protección da Legalidade Urbanística acordou, en data 14 de outubro de 2011, impor unha sexta multa coercitiva a Emilio González Fernández como consecuencia do incumprimento da Resolución do 9 abril de 2001, pola que se ordena a demolición das obras de ampliación dunha planta nunha edificación existente, na parroquia de Lobios, no concello de Lobios, provincia de Ourense.
Ao non poderse realizar a notificación persoal daquela resolución, ao ser devolta polo servizo de Correos por resultar o seu destinatario ausente na repartición, mediante a presente cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícase ao interesado o devandito acordo.
Tendo en conta que, en atención ao previsto no artigo 61 da LRXPAC, o acto non se publica na súa integridade, comunícase ao interesado que o texto íntegro da resolución que se notifica se encontra ao seu dispor nas dependencias da Axencia de Protección da Legalidade Urbanística, sitas no Edificio Witland - Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Contra este acordo o interesado pode interpoñer recurso de reposición ante a directora da Axencia de Protección da Legalidade Urbanística no prazo dun mes, contado a partir do día seguinte a aquel en que se teña producido a notificación, ou ben, se non exerce o seu dereito a presentar recurso potestativo de reposición, pode interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste e sirva de notificación ao citado interesado, en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 21 de novembro de 2011.
María Martínez Allegue
Directora da Axencia de Protección da Legalidade Urbanística