De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, ao ser devolta a notificación persoal polo servizo de Correos por resultar descoñecido o enderezo do destinatario, publícase o emprazamento a Francisco Correa Rodríguez para o trámite de audiencia ditado no expediente de reposición da legalidade urbanística IU3/91/2010, en relación coas obras consistentes na construción dunha vivenda unifamiliar, que se levan a cabo no lugar de Randín, no termo municipal de Calvos de Randín, provincia de Ourense.

O expediente relacionado atópase á disposición do interesado na Axencia de Protección da Legalidade Urbanística, sita no edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

O interesado disporá dun prazo de quince días hábiles, contados a partir do día seguinte a aquel en que se teña producido a notificación desta cédula, para alegar e presentar os documentos e informacións que considere pertinentes.

Para que conste e sirva de notificación ao citado interesado, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 21 de novembro de 2011.

María Martínez Allegue
Directora da Axencia de Protección da Legalidade Urbanística