Visto o expediente correspondente á vivenda 1135, construída ó amparo do expediente C-2-CD/1968.
Resultando que con data 10-6-2002 foi outorgado contrato de arrendamento da citada vivenda, propiedade do IGVS, a favor de Manuel Sánchez Santiago.
Resultando que con data 27-11-2003 comparece perante funcionaria Manuel Sánchez Santiago, con DNI 32535863-V, para facer entrega das chaves da vivenda e renunciar a tódolos dereitos que teña como adxudicatario.
Considerando que o Instituto Galego da Vivenda e Solo é, segundo a Lei 3/1988, do 27 de abril, un organismo autónomo de carácter comercial e financeiro, adscrito á Consellería de Política Territorial, Obras Públicas e Vivenda, con plena capacidade de obrar no ámbito do dereito público e privado, establecendo o seu artigo 4 como función propia, entre outras, a administración, xestión, conservación e disposición das vivendas do seu patrimonio.
Considerando que o Decreto 70/1997, polo que se establece a estructura orgánica do IGVS, no seu artigo 17 atribúe ós delegados provinciais a competencia para a rúbrica dos contratos e outra documentación relativa á adxudicación de vivendas e locais.
Considerando que a renuncia presentada polo adxudicatario supón a petición de resolución do contrato de arrendamento subscrito coa Administración.
Vistos os preceptos legais citados, a lexislación de vivendas de protección oficial e demais normas de xeneral aplicación,
RESOLVO:
Acepta-la renuncia do adxudicatario e, en consecuencia, acorda-la resolución de pleno dereito do
contrato da vivenda conta 1135 do expediente C-2-CD/1968, situada en Ferrol, r/ Cádiz, bloque 16, P-4, 5º esq. do Polígono de Caranza.
Contra a presente resolución, que non esgota a vía administrativa, poderá interpoñerse recurso de alzada perante o conselleiro de Política Territorial, Obras Públicas e Vivenda, no prazo dun mes contado desde o día seguinte ó da súa recepción. Expido, asino e selo esta cédula na Coruña.
A Coruña, 1 de decembro de 2003.
Jesús Almuíña Loeda
Delegado provincial da Coruña