Neste organismo autónomo Augas de Galicia, estase a tramitar baixo a clave enunciada no encabezado, un procedemento de outorgamento para a concesión dun aproveitamento hidroeléctrico con potencia nominal de ata 5.000 KVA, dun tramo libre dos ríos Ouro e Cancelas.
Publicado no DOG nº 243 de data 18 de decembro de 2001 o oportuno anuncio de información pública simultánea da petición e da documentación técnica e ambiental presentadas, e advertido un erro no prazo de exposición ó público do estudio de impacto ambiental correspondente ó proxecto presentado xunto coa petición da sociedade Chousa da Fonte, S.L., procédese, mediante o presente anuncio, a repeti-lo trámite de exposición do mencionado estudio ambiental.
Polo tanto, para lle dar cumprimento ó disposto no artigo 5.2º do Decreto 442/1990, do 3 de setembro, de avaliación de impacto ambiental para Galicia, sométese a información pública o estudio de impacto ambiental do A.H. no río Ouro, termos municipais do Valadouro e Alfoz, Lugo, co fin de que aquelas persoas naturais ou xurídicas que se consideren afectadas nos seus dereitos poidan formular, por escrito, cantas alegacións, observacións, suxestións e reclamacións estimen procedentes (indicando a clave do concurso sinalada no encabezamento), persoalmente ou por medio do seu representante con poder suficiente, perante o rexistro do organismo autónomo Augas de Galicia - praza de Vigo, 2, 15706 Santiago de Compostela- e dentro do prazo improrrogable de trinta (30) días hábiles, que comezará a contarse e entenderase aberto a partir da data de publicación que corresponde facer da presente resolución no DOG. Transcorrido o dito período de tempo non se admitirá nin se terá en conta escrito
ningún.
Para os expresados efectos, este anuncio, ademais da súa inserción no DOG, será obxecto de exposición ó público no taboleiro de anuncios da Casa do Concello de Alfoz e O Valadouro (Lugo).
Os que se consideren interesados terán á súa disposición, para os devanditos efectos informativos, copia do estudio de impacto ambiental para que poida ser examinado, nos días e horas habituais de oficina, nas seguintes dependencias administrativas:
* Augas de Galicia: praza de Vigo, 2, 15706 Santiago de Compostela.
* Dirección Xeral de Calidade e Avaliación Medioambiental: r/ Feáns, 1-3. 15706 Santiago de Compostela.
* Delegación Provincial de Medio Ambiente de Lugo: Edif. Advos. - Ronda da Muralla, 70 - 27071 Lugo.
* Concello de Alfoz: r/ Castro, s/n - 27773 Alfoz (Lugo).
* Concello do Valadouro: r/ Feira Nova,1 - Ferreira - 27770 O Valadouro (Lugo).
Santiago de Compostela, 11 de decembro de 2003.
P.D. (Resolución 9-4-2003, DOG do 16 de abril)
Emilio García Gallego
Director xeral do organismo autónomo
Augas de Galicia