Ana María Carrasco García, secretaria do Xulgado do Social número catro da Coruña, dá fe e certifica que neste xulgado se seguen autos número 679/2002, por instancia de Ramón Vázquez Pan contra o INSS e outros sobre prestacións, nos que recaeu sentencia o 10 de novembro de 2003, que copiada nos particulares necesarios di así:

«Decido que estimando a demanda promovida por Ramón Vázquez Pan contra o Instituto Nacional da Seguridade Social, a empresa Construcciones Suárez Agra, S.A., a Comisión Liquidadora de Suspensión de Pagamentos, a Tesourería Xeral da Seguridade Social debo declarar e declaro que a base reguladora da pensión de xubilación que corresponde ó demandante é na contía de 825,53 euros, condenando as demandadas a estar e pasar pola anterior declaración e o Instituto Nacional da Seguridade Social ó anticipo das prestación na contía, forma e efectos económicos correspondentes, e a Tesourería Xeral da Seguridade Social na súa respectiva responsabilidade, e absolvo a empresa Construcciones Suárez Agra, S.A.

Notifíquese esta resolución ás partes e fágaselles saber que contra ela cabe recurso de suplicación, que se anunciará dentro dos cinco días seguintes á notificación da sentencia, perante este xulgado do que coñecerá, se é o caso, a Sala do Social do Tribunal Superior de Xustiza de Galicia, tal como establecen os artigos 188 e ss. do texto refundido da Lei de procedemento laboral aprobado polo Real decreto lexislativo 2/1995, do 7 de abril.

Así por esta miña sentencia definitivamente xulgando en primeira instancia, pronúncioo, mándoo e asínoo».

E para que conste, para efectos da súa publicación no Diario Oficial de Galicia co fin de que sirva de notificación en forma a Construcciones Suárez Agra, S.A., expido e asino esta cédula na Coruña o 14 de novembro de 2003.

A secretaria xudicial

Rubricado