De conformidade cos convenios de apoio financeiro ós investimentos das Pemes asinados coas entidades de crédito durante os anos 1998, 1999, 2000, 2001, 2002 e 2003, os tipos de xuros dos contratos de arrendamento financeiro subvencionados pola Xunta de Galicia, que se formalizaron a tipo de xuro variable, variarán por anos naturais, establecéndose no texto dos citados convenios o sistema de determinación do tipo de xuro para exercicios futuros.

Visto o exposto, e unha vez verificados os datos relativos á evolución do mibor e do euribor durante o período establecido nos citados convenios, e en virtude das facultades que teño conferidas,

RESOLVO:

Primeiro.-Os tipos de xuro máximos que se aplicarán durante o ano 2004 ós contratos de arrendamento financeiro formalizados, a tipo variable, ó abeiro dos convenios de apoio financeiro ós investimentos das Pemes dos anos 1998, 1999, 2000, 2001, 2002 e 2003, serán os seguintes:

-Contratos de arrendamento financeiro do convenio 1998: 3,40%. No caso de que o tipo adicional sexa inferior a 1,25 puntos, o tipo de xuro que se aplicará será o resultado de engadirlle ó tipo de referencia (2,17) o tipo adicional que teñan pactado as partes. Se o tipo de xuro resultase con varios decimais arredonderase ata a máis próxima vixésima parte do punto.

-Contratos de arrendamento financeiro do convenio 1999, 2000, 2001, 2002 e 2003: 3,30%. No caso de que o tipo adicional sexa inferior a 1,15 puntos, o tipo de xuro que se aplicará será o resultado de engadirlle ó tipo de referencia (2,173) o tipo adicional que teñan pactados as partes. Se o tipo de xuro resultase con varios decimais arredondarase ata a máis próxima vixésima parte do punto.

Segundo.-As entidades de crédito deberán comunicarlle ós beneficiarios dos contratos de arrendamento financeiro subvencionados a variación do tipo de xuro.

Terceiro.-O tipo de xuro do contrato de arrendamento financeiro resultante para o beneficiario, é dicir, o nominal menos os puntos de subsidiación, non poderá ser inferior ó límite fixado nos citados convenios e na resolución de concesión de axuda. No caso de que sexa inferior limitarase a subsidiación ata o citado límite. Para o caso de que o tipo de xuro nominal sexa igual ou inferior ó límite, suspenderase a subsidiación e o tipo de xuro a aplicar ó contrato de arrendamento financeiro será o que lle corresponda segundo o establecido no punto primeiro desta resolución.

Santiago de Compostela, 5 de decembro de 2003.

José Antonio Orza Fernández

Presidente do Instituto Galego de Promoción

Económica

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA