Aprobado inicialmente pola Comisión de Goberno, na súa sesión do 6 de outubro de 2003, o estudio de detalle promovido por Eladio Seoane Gómez, en representación de Promociones Florida Siglo XXI, S.L., segundo o proxecto redactado polos arquitectos Jorge González Herrero e José Melero Currás, visado polo COAG con data 9 de abril de 2003, que ten por finalidade ordena-los volumes edificables e reaxusta-las aliñacións e rasantes, en parcela situada na Picota, sométese a información pública polo prazo de 20 días contados a partir do seguinte hábil ó da publicación deste anuncio no Diario Oficial de Galicia, quedando o expediente ó dispor de calquera persoa física ou xurídica que queira examinalo e, se for o caso, deducir alegacións.

O presente anuncio servirá de notificación nos termos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para tódolos directamente afectados que, por resultaren descoñecidos ou por ser ignorado o seu enderezo, non poidan ser notificados persoalmente.

Redondela, 13 de novembro de 2003.

O alcalde

Rubricado