Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: BEGASA.

Domicilio social: Cidade de Viveiro 4, 27002 Lugo.

Denominación: reelectrificación de Distriz-Meilán.

Situación: Lugo.

Características técnicas: L.M.T. a C.T.I. estrada Ombreiro, con orixe no P-19 L.M.T. a C.T. Augas BEGASA e final en C.T. estrada de Ombreiro cunha lonxitude de 17 m.

C.T.I. estrada Ombreiro cunha potencia inicial de 100 kVA e unha potencia proxectada de 160 kVA.

R.B.T. realizadas en conductor tipo R.Z.-150, R.Z. 95 e R.Z.-50 alimentarán ós lugares de estrada de Ombreiro, Distriz e Distriz-A Devesa cunha lonxitude de 1.895 m.

Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpoñer recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da notificación desta resolución; tamén se pode interpor calquera outro recurso que se considere pertinente.

Lugo, 11 de novembro de 2003.

Jesús Bendaña Suárez

Delegado provincial de Lugo