Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: BEGASA.
Domicilio social: Cidade de Viveiro 4, 27002 Lugo.
Denominación: reelectrificación de Bagueixos.
Situación: Lugo.
Características técnicas: L.M.T. soterrada a 20 kV en conductor R.H.Z.-150 mm, cunha lonxitude de 525 m con inicio nun apoio metálico proxectado na L.M.T. existente O Ceao-Rábade e final no C.T. proxectado de Bagueixos.
C.T. en edificio prefabricado, cunha potencia proxectada de 630 kVA e unha potencia inicial de 160 kVA.
R.B.T. soterrada en conductor RV-150 cunha lonxitude de 8 m.
R.B.T. aérea en conductor R.Z.-150, R.Z.-95 e R.Z.-50 tensados sobre apoios de formigón cunha lonxitude de 2.008 m.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpoñer recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da notificación desta resolución; tamén se pode interpor calquera outro recurso que se considere pertinente.
Lugo, 10 de novembro de 2003.
Jesús Bendaña Suárez
Delegado provincial de Lugo