Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: BEGASA.

Domicilio social: Cidade de Viveiro 4, 27002 Lugo.

Denominación: reelectrificación de Louzaneta.

Situación: Lugo.

Características técnicas: L.M.T. soterrada a C.T. Louzaneta 4, tensión nominal 20 kV, entronca nunha cela de saída do C.T. proxectado Louzaneta 3 e finaliza no C.T. Louzaneta 4, lonxitude 580 m.

L.M.T. soterrada a C.T. Louzaneta 3, tensión nominal 20 kV, entronca nun apoio metálico existente da L.M.T. a C.T. Louzaneta 2 e finaliza no C.T. Louzaneta 3.

C.T. tanto no C.T. proxectado Louzaneta 3, coma o C.T. proxectado Louzaneta 4 irán en edificio prefabricado tipo PFU-3, dimensiónase a instalación para unha potencia de 630 kVA aínda que a potencia inicial será de 160 kVA.

R.B.T. aéreas realizadas en conductor R.Z.-95 e R.Z.-50 cunha lonxitude de 3.415 m.

Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpoñer recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da notificación desta resolución;

tamén se pode interpor calquera outro recurso que se considere pertinente.

Lugo, 10 de novembro de 2003.

Jesús Bendaña Suárez

Delegado provincial de Lugo