De conformidade co disposto nos artigos 59.4º e 84 da Lei de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, notifícaselles e outórgaselles audiencia ós titulares dos establecementos que no anexo se mencionan, no procedemento de baixa de autorización e cancelación da inscrición no Rexistro de Empresas e Actividades Turísticas da Comunidade Autónoma galega.

Mediante visita da inspección, o Servicio de Inspección de Turismo, dependente desta delegación, comprobou que nos establecementos que se relacionan no anexo non se realiza nin exerce a actividade turística para a que foron autorizados no seu día.

Considerando que nos expedientes non consta ningunha comunicación do cesamento da actividade, esta delegación provincial acordou, ó abeiro do establecido no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma galega, inicia-lo expediente de baixa de oficio dos establecementos relacionados no anexo.

O que se lles notifica ós titulares dos establecementos referidos no dito anexo, para que no prazo de 15 días poidan efectua-las alegacións que consideren pertinentes, podendo examina-lo expediente e obter copias dos documentos contidos nel, na delegación provincial da Consellería de Cultura, Comunicación Social e Turismo de Pontevedra.

Pontevedra, 14 de novembro de 2003.

Rosanna López Salgueiro

Delegada provincial de Pontevedra

ANEXO