Eu, Agustín Ignacio Pena López, secretario do Xulgado do Social número un da Coruña, fago saber que nos autos nº 514/2003, seguidos por instancia de Martina Oanes Ferrín e outro contra BIT 7, S.L. e Fogasa, sobre reclamación de cantidades, a maxistrada-xuíza deste xulgado, Isabel Olmos Parés, dictou sentencia, con data do 3 de novembro de 2003, coa seguinte parte dispositiva:

«Que estimando a demanda presentada por Martina Oanes Ferrín e outro, debo declarar e declaro o dereito dos demandantes a percibi-las cantidades reclamadas polos conceptos que se expresan no feito probado segundo desta resolución e nese sentido debo condenar e condeno á empresa BIT 7, S.L., a que estando e pasando por tal declaración aboe á demandante Martina Oanes Ferrín a cantidade de 3.676,67 euros e a Óscar Fernández López a cantidade de 3.957,81 euros en concepto de salarios e liquidación.

E debo absolver e absolvo o Fogasa sen prexuízo da súa responsabilidade subsidiaria nos casos previdos no artigo 33 do ET.

Notifíqueselles esta sentencia ás partes, ás que se lles fará saber que en contra da dita resolución cabe o recurso de suplicación, que deberá anuncialo o seu avogado ou representante legal designado para o efecto, perante este xulgado, no prazo de cinco días contado a partir da notificación desta sentencia, por comparecencia ou por escrito das partes. É posible o anuncio por mera manifestación da parte recorrente ó ser notificada, e será resolto, se é o caso, e cumpridos os trámites legais, pola Sala do Social do Tribunal Superior de Xustiza de Galicia. A empresa condenada deberá, ademais, acreditar ó anunciar o recurso, o ter consignado o importe da condena na conta de consignacións deste xulgado, aberta no BBV, conta nº 5602-60, e que pode substituírse polo aseguramento mediante aval bancario, coa constancia da responsabilidade solidaria do avalista, máis outra cantidade de 150,25 euros na mes

ma conta e en calidade de depósito, nun impreso separado do importe da condena.

Así por esta miña sentencia, pronúncioo, mándoo e asínoo».

E para que lle sirva de notificación á empresa BIT 7, S.L., que tivo o seu último enderezo coñecido en r/ Vista Alegre, 2, A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 3 de novembro de 2003.

O secretario xudicial

Rubricado