O Pleno do Concello, en sesión ordinaria do 27 de novembro de 2003, adoptou por maioría absoluta, o seguinte acordo:

Primeiro.-Aprobar inicialmente o Plan Xeral de Ordenación Municipal do Concello de Oroso.

Segundo.-Someter ó trámite de información pública o expediente e documentos que desenrolan as determinacións do PXOM, polo prazo dun mes, mediante anuncio que se publicará no Diario Oficial de Galicia, no xornal La Voz de Galicia e no xornal El Correo Gallego. A estes efectos o período de información pública rematará transcorrido un mes desde o día seguinte ó da publicación do último dos anuncios inseridos. Simultaneamente e durante o mesmo prazo, daráselles audiencia ós municipios limítrofes.

Terceiro.-Suspender, de acordo co sinalado no artigo 77.2º da Lei 9/2002, do 30 de decembro, de ordenación urbanística e protección do medio rural

de Galicia, o procedemento de outorgamento de licencias, naqueles ámbitos do territorio obxecto de planeamento no caso en que as novas determinacións deste supoñan a modificación da ordenación urbanística vixente. Para estes efectos as áreas afectadas pola citada suspensión son as de todo o termo municipal, agás os ámbitos territoriais do Plan Parcial de Porto Avieira e do parque empresarial de Sigüeiro (SAUI-Sector 1).

Esta suspensión terá unha duración máxima de dous anos e extinguirase, en todo caso, coa aprobación definitiva do planeamento.

Lugar de exposición: local situado na planta baixa nº 1 e 2 do edificio sito na Rúa Lengüelle nº 5.

Oroso, 28 de novembro de 2003.

Manuel Mirás Franqueira

Alcalde presidente

María José López Fernández

Secretaria xeral