Carmen de Jesús Caramés Millán, maxistrada do Xulgado do Penal número un de Ferrol,

Fago saber: que no dito órgano xudicial se segue procedemento abreviado 478/1999 no que se acordou sacar a poxa pública, polo termo de vinte días hábiles, os bens que despois se dirán, sinalándose que o acto do remate teña lugar na sala de audiencia deste órgano no día 30 de xaneiro de 2004 ás 10.30 horas:

Primeiro.-Que os licitadores se deben identificar de forma suficiente e declarar que coñecen as condicións xerais e particulares da poxa.

Segundo.-Que os licitadores, para tomaren parte na poxa, deberán consignar previamente na conta deste xulgado, no banco Banesto, entidade 0030 sucursal 6044 r/Rubalcava, 12, 15402 Ferrol número 1550 0000 74 0438 98, unha cantidade igual, cando menos, ó vinte por cento do valor dos bens que sirva de tipo, facéndose constar o número e ano do procedemento, sen este requisito, non serán admitidos, sen que se acepte a entrega de diñeiro en metálico ou en cheques. Cando o licitador realice o depósito con cantidades recibidas en todo ou en parte dun terceiro, farase constar así no comprobante para os efectos do disposto no número 2º do artigo 652 da Lei de axuizamento civil.

Terceiro.-Unicamente o executante poderá concorrer na calidade de cede-lo remate a terceiros.

Cuarto.-En tódalas poxas, desde o anuncio ata a súa celebración, poderán facerse ofertas por escrito en prego cerrado, facendo o depósito a que se fixo referencia anteriormente.

Quinto.-Que as cargas e gravames anteriores e os posteriores preferentes ó do demandante, se os houbera, continuarán subsistentes, entendéndose que o rematante os acepta e fica subrogado na responsabilidade deles, sen destinarse á súa extinción o prezo do remate.

Sexto.-Cando a mellor oferta fora igual ou superior ó 50% da taxación, sen ofrecemento de pagamento adiado, aprobarase o remate a favor do mellor ofertante. Se fora inferior, observarase o previsto no artigo 650 da Lei 1/2000, de axuizamento civil.

Se por forza maior ou causas alleas non se puidera celebrar a poxa no día e hora sinalados, entenderase que se celebrará para o seguinte día hábil, á mesma hora, exceptuando os sábados.

Bens que se sacan á poxa e o seu valor:

Vehículo marca Ford, modelo Orion 1.4, cilindrada 1392, propulsión a gasolina, matrícula C-9241-AC, valorado en 100.000 ptas. (601,01 euros).

Encóntranse depositados en poder do seu propietario.

Dado en Ferrol o seis de novembro de dous mil tres.

Roberto Francisco Álvarez

Secretario xudicial