A Comisión de Goberno, en sesión con data do 28 de outubro de 2003, aprobou o expediente de contratación polo sistema de concurso, mediante procedemento aberto e tramitación ordinaria, da subministración que ten por obxecto o arrendamento con opción de compra dun vehículo, para o Servicio Municipal de Vías e Obras.
1. Entidade adxudicadora,
a) Organismo: Concello de Bergondo (A Coruña).
b) Dependencia que tramita o expediente: Secretaría Xeral: Servicio de Contratación.
2. Obxecto do contrato.
a) Descrición do obxecto: arrendamento con opción de compra dun vehículo para o Servicio Municipal de Vías e Obras, que inclúe os conceptos que figuran detallados no obxecto do anexo II -cadro de características do contrato do prego.
b) Lugar da entrega: Concello de Bergondo.
c) Prazo de entrega: un mes a partir da formalización do contrato administrativo.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Orzamento base de licitación.
Total prezo do contrato: 38.600 euros.
-Arrendamento total: 33.600 euros, mediante mensualidades de 700 euros.
-Opción de compra: 5.000 euros.
5. Garantías.
Non se esixen.
6. Obtención de documentación e información.
a) Entidade: Secretaría Xeral: Servicio de Contratación do Concello de Bergondo.
b) Domicilio: estrada da Coruña nº 12, 15165 Bergondo (A Coruña).
c) Teléfono: 981 79 12 52.
d) Telefax: 981 79 42 33.
e) Data límite de obtención de documentos: ata as 13.00 horas do día sinalado como derradeiro para a presentación de ofertas.
7. Requisitos específicos do contratista.
As empresas licitadoras terán incluído no seu obxecto social a modalidade de contrato de arrendamento con opción de compra, requisito necesario para acredita-la capacidade.
8. Presentación das ofertas.
a) Data límite de presentación: quince días naturais, de 9.00 a 13.00 horas, contados desde o seguinte ó da derradeira publicación deste anuncio no BOP ou no DOG.
b) Documentación que hai que presentar: en dous sobres pechados e asinados polo licitador ou persoa que o represente, que conterán a documentación esixida na cláusula 9 e no anexo III do prego-tipo de cláusulas administrativas particulares que rexe esta contratación.
c) Lugar de presentación: rexistro xeral do Concello de Bergondo.
d) Prazo de validez da oferta: 3 meses, contados desde a apertura das proposicións.
9. Apertura das ofertas.
Terá lugar na sala de sesións deste concello, o quinto día hábil seguinte (agás sábados) ó do remate de presentación das proposicións, ás 14.00 horas.
10. Gastos de anuncios.
Tódolos gastos correspondentes ó anuncios de licitación e adxudicación serán por conta do adxudicatario.
11. Exposición dos pregos.
Os pregos de cláusulas particulares e prescricións técnicas que rexen esta convocatoria quedan expostos ó público na Secretaría Xeral-Servicio de Contratación deste concello durante o prazo de oito días, para os efectos previstos no artigo 122.1º do Real decreto lexislativo 781/1986.
Bergondo, 3 de novembro de 2003.
José Fernández Ramos
Alcalde-presidente