Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño de que en autos seguidos perante este xulgado do social, tramitados baixo o número 823/2003 por instancia de José Castro Rega, contra a empresa Fernando Rodríguez Nieves e Fogasa, sobre despedimento, se dictou a seguinte:
Sentencia.-Na cidade da Coruña, o 5 de novembro de 2003. Jorge Hay Alba, maxistrado-xuíz do social número dous desta cidade, viu estes autos de xuízo número 823/2003, seguidos por instancia de José Castro Rega, representado e asistido pola graduada social Neonilda Regueira Castañón, contra a empresa Fernando Rodríguez Nieves, maior de idade, e Fogasa, representado e asistido pola letrada Enma Pérez Díez del Corral, sendo o obxecto da reclamación, despedimento.
Seguen feitos e fundamentos de dereito.
Decido que, estimando a demanda interposta por José Castro Rega contra a empresa Fernando Rodríguez Nieves, debo declarar e declaro improcedente o despedimento efectuado ó demandante e condeno a demandada a que no prazo de cinco días, desde a data da notificación da sentencia, opte entre e readmisión inmediata do demandante nas mesmas condicións que posuía con anterioridade ou o aboamento dunha indemnización de 657,33 euros máis; en ámbolos casos, o aboamento dos salarios de tramitación, desde a data do despedimento que ascende a 35,06 euros/día, con absolución de Fogasa, sen prexuízo da súa responsabilidade subsidiaria.
Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anuciándose ante este xulgado no prazo de cinco días contado a partir da notificación desta sentencia; e no propio prazo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no Banesto desta cidade, co número de conta 0030 6349 0000 5603, clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo.
E para que lle sirva de notificación á empresa, que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña o 5 de novembro de 2003.
O secretario xudicial
Rubricado