No Xulgado do Contencioso-Administrativo número un de Santiago de Compostela tramítase o recurso

núm. 293/2003 (procedemento abreviado) interposto por Ana Lores Hermida na súa condición de aspirante a vinculacións temporais de persoal estatutario nas institucións sanitarias do Sergas, no proceso selectivo convocado por Resolución do 28 de decembro de 2001, (DOG núm. 13, do 18 de xaneiro).

A recorrente, aspirante da categoría de ATS-DUE, área sanitaria de Pontevedra, pretende que se rectifique a súa puntuación por méritos no epígrafe de formación continua, coa conseguinte modificación da puntuación total (28,88 puntos) e do número de orde obtidos na lista definitiva publicada por resolución da Dirección Provincial de Pontevedra do 23-9-2002.

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 6 de novembro de 2003.

José Ignacio Lema Piñeiro

Director xeral da División de Recursos Humanos