Eu, Jaime Balado Yáñez, secretario xudicial do Xulgado do Social número dous da Coruña, dou fe y testemuño en autos seguidos perante este xulgado do social, tramitados baixo o número 104/2003 por instancia de José Ángel Lamas Castro, Faustino Deibe Manzanares e Alberto Seoane García, contra a empresa CAF Informática, S.L. sobre salarios, dictouse a seguinte:

«Sentencia.-Na cidade da Coruña o 10 de setembro de 2003. Jorge Hay Alba, maxistrado-xuíz do social número dous desta cidade, viu os presentes autos de xuízo número 104/2003, seguidos por instancia de José Ángel Lamas Castro, Faustino Deibe Manzanares e Alberto Seoane García, maiores de idade, asistidos pola letrada Ana Mª Gil Fernández, contra a empresa CAF Informática, S.L., que non compa

receu nos autos, sendo obxecto da reclamación salarios.

Seguen feitos e fundamentos de dereito.

Decido que debo estimar e estimo a demanda interposta por José Ángel Lamas Castro, Faustino Deibe Manzanares e Alberto Seoane García, contra a empresa CAF Informática, S.L., condenando a demandada a lles aboar ós demandantes a cantidade de: a José Ángel Lamas Castro, 5.167,79 euros; a Faustino Deibe Manzanares, 9.319,64 euros; e a Alberto Seoane García, 7.357,57 euros polos conceptos reclamados na demanda.

Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia e, no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidad obxecto da condena na conta de depósitos e consignacións que este xulgado ten aberta no Banesto desta cidade, co número de conta 0030 6349 0000 5603, clave 60, facendo constar no ingreso o número do expediente.

E así mesmo deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.

Así, por esta miña sentencia, definitivamente xulgando en primeira instancia, pronúncioo, mándoo e asínoo.»

E para que sirva de notificación á empresa, que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña o 4 de novembro de 2003.

O secretario xudicial

Rubricado