A Alcaldía Presidencia, con data do 25 de setembro de 2003, dictou a resolución que a continuación se transcribe:
«Primeiro.-Aprobar inicialmente o proxecto complementario ó de expropiación forzosa da 1ª fase do Castro de Elviña, para os efectos de indemnización dos elementos existentes non incluídos nel.
Segundo.-Optar polo procedemento de taxación conxunta para a tramitación do expediente.
Terceiro.-Autorizar un gasto por importe de 108.478,77 euros con cargo a partida 05-432.600.05.02, cantidade a que ascende o orzamento de execución do proxecto».
De conformidade co disposto no artigo 143.2º e 3º da Lei 9/2002, de ordenación urbanística e protección do medio rural de Galicia, o citado expediente sométese a información pública por prazo dun mes para que aqueles que poidan resultar interesados formulen as observacións e reclamación que consideren pertinentes.
Para estes efectos, indícase que o expediente pode consultarse durante o prazo dun mes nas dependencias da Área de Urbanismo (rúa do Parque, antigo Cuartel de Intendencia), de luns a venres.
Esta publicación servirá de notificación para os interesados que resulten descoñecidos ou respecto dos que se ignore o lugar para a práctica da notificación, de acordo co previsto no artigo 59 da Lei 30/1992.
Nº parcela: 53.
Ref. catastral: 6-470.
Propietario: descoñecido.
A Coruña, 20 de outubro de 2003.
O alcalde
P.D.
José Luis Méndez Romeu