En cumprimento do disposto no artigo 13.5º do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, esta dirección xeral dispón que se publique no DOG, o acordo adoptado polo Consello da Xunta de Galicia na súa reunión do 2 de outubro de 2003, da que da súa parte dispositiva se transcribe o seguinte:
1º Aprobar definitivamente o proxecto sectorial de incidencia supramunicipal nomeado L.A.T. 132/30 kV subestación eléctrica Farelo-subestación eléctrica Faro.
2º O órgano competente, por razón da materia, para a tramitación do expediente é a Consellería de Innovación, Industria e Comercio da Xunta de Galicia, debendo esta consellería cumprir co procedemento legal establecido.
3º As determinacións contidas no proxecto vinculará o planeamento dos concellos de Chantada, Antas de Ulla, Rodeiro e Agolada que terán que adaptarse a elas dentro dos prazos que para tal efecto se determine.
Santiago de Compostela, 27 de outubro de 2003.
Ramón Ordás Badía
Director xeral de Industria, Enerxía e Minas