De conformidade co disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, artigo 70.2º da Lei 7/1985, do 2 de abril, de bases de réxime local e disposicións concordantes, faise público que o pleno deste concello, en sesión do 5 de novembro de 2003, aprobou definitivamente o Plan de sectorización A Palloza do solo apto para urbanizar no núcleo rural de Bonxe, promovido por Urbanización A Palloza, S.L. Jaime López López.
Faise constar que, con esta data, en cumprimento do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, remítese a documentación do proxecto de sectorización A Palloza ó conselleiro de Política Territorial, Obras Públicas e Vivenda.
Contra o dito acordo, definitivo na vía administrativa, poderanse interpoñe-los recursos que seguen:
a) Potestativo de reposición ante o pleno desde concello, no prazo dun mes a partir do día seguinte ó da publicación deste anuncio.
b) Contencioso-administrativo no prazo de dous meses, contados desde o día seguinte ó desta publicación, ante o Tribunal Superior de Xustiza de Galicia. Sen embargo, interposto o recurso de reposición, non poderá interpoñerse o recurso contencioso-ad
ministrativo ata que sexa resolto expresamente o primeiro ou se produza a súa desestimación presunta polo transcurso do prazo dun mes para dictar e notifica-la resolución.
c) Calquera outro recurso que se considere procedente.
Outeiro de Rei, 12 de novembro de 2003.
José Pardo Lombao
Alcalde