Obxecto do contrato: é a dotación de infraestructuras, equipamentos, persoal de control e vixilancia, de información e técnico de actividades para o desenvolvemento do programa Nadalxogo 2003.

Tipo de licitación: é de 48.000 euros, IVE incluído. A recadación que realizará o adxudicatario será no seu beneficio ata un límite de 15.000 euros. O que exceda desta cifra repartirase ó 50% entre o devandito adxudicatario e o concello.

Prazo de execución: o contrato estenderase desde o día 26 de decembro de 2003 ata o 4 de xaneiro de 2004, ambos incluídos, con excepción do día 31 de decembro.

Forma de adxudicación: concurso por procedemento aberto.

Proposicións: os licitadores poderán presentar proposicións no Rexistro Xeral de Entrada do Concello de Santiago de Compostela, das 9.00 ás 14.00 horas, dentro do prazo de 8 días naturais contados desde o día seguinte ó da data da última das publicacións que corresponden facer no Diario Oficial de Galicia e no BOP da Coruña.

Información e documentación: Concello de Santiago de Compostela. (Departamento de Contratación). Teléfono: 981 54 30 33. Fax: 981 57 76 27.

Criterios de adxudicación: son os sinalados no punto homónimo do prego de cláusulas administrativas particulares.

Garantías: provisional: non se esixe.

Definitiva: 4% do importe de adxudicación.

Apertura de plicas: terá lugar en acto público na casa do concello (secretaría) ás 10.00 horas, o segundo día hábil seguinte ó da finalización do prazo de presentación de proposicións. De coincidir en sábado, a apertura realizarase o primeiro día hábil seguinte.

Santiago de Compostela, 18 de novembro de 2003.

José A. Sánchez Bugallo

Alcalde