A Comisión de Goberno, en sesión celebrada o día 6 de novembro actual, acordou prestar aprobación inicial ó estudio de detalle presentado por Miraflores Sanxenxo, S.L., para desenvolvemento do PEI-19 no lugar de Miraflores-Sanxenxo, de conformidade co proxecto técnico redactado pola arquitecto María del Carmen Nieto Rivero, con visado colexial do 10 de xullo e plano reformado con visado do 6 de outubro de 2003.
Exponse o expediente a información pública polo prazo dun mes, contado a partir do día seguinte a aquel en que sexa publicado o anuncio no Diario Oficial de Galicia, co obxecto de que quen se considere prexudicado ou afectado poida formula-las alegacións que coide procedentes.
De conformidade co disposto no artigo 120 do Regulamento de planeamento, suspéndese o outorgamento de licencias para a área do territorio obxecto de modificación.
Este anuncio suple as circunstancias que poidan concorrer no disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común.
Sanxenxo, 13 de novembro de 2003.
Telmo Martín González
Alcalde