Concesión S.P. Centro de educación municipal de preescolar de Tomiño.

Aprobado pola Comisión de Goberno, na sesión ordinaria do 15 de novembro de 2003, o prego de condicións económico-administrativas e técnicas que rexerá no concurso por procedemento aberto (tramitación urxente) para a concesión da prestación do servicio público que se indica no punto 2, exponse ó público polo prazo dos oito días naturais seguintes ó da publicación deste anuncio no DOG. Simultaneamente anúnciase o concurso para a presentación de propostas, podéndose apraza-la licitación no caso de que se formulen reclamacións.

1. Entidade adxudicadora: Concello de Tomiño. Dependencia: Secretaría.

2. Obxecto e duración do contrato: xestión do Centro de educación municipal de preescolar de Tomiño. Duración: 4 anos.

3. Tramitación, procedemento e forma de adxudicación. Tramitación: urxente. Procedemento: aberto. Forma: concurso.

4. Canon da concesión: o canon que o concesionario deberá satisfacer será proposto polo licitador na súa oferta económica.

5. Prezo do concesionario: as tarifas que percibirá o concesionario serán establecidas polo Concello de Tomiño. O concello compensará economicamente o concesionario na contía que, proposta polo licitador e non excedendo da cantidade de 2.500 A/mes, se fixe no contrato e por meses vencidos.

6. Ofertas: realizarase de conformidade coas cláusulas recollidas no prego de condicións.

7. Obrigas do concesionario: as recollidas nas cláusulas do prego de condicións.

8. Fianzas: provisional: 600 A. Definitiva: 6.010 A.

9. Obtención da documentación e información: secretaría do concello; praza do Seixo, 36740 Tomiño; (teléfono 986 62 20 01/ fax: 986 62 25 30), ata o día anterior ó do remate do prazo de presentación de proposicións.

10. Presentación das ofertas: prazo: 13 días naturais seguintes ó da publicación deste anuncio de licitación no DOG. Documentación: a esixida no prego. Lugar de presentación: rexistro xeral do Concello de Tomiño, das 9.00 ás 14.00 horas (luns a venres) e das 11.00 ás 13.00 horas os sábados.

11. Apertura das ofertas: o terceiro día hábil seguinte a aquel no que finalice o prazo de presentación de proposicións, na casa do concello e de conformidade co establecido no prego.

12. Gastos dos anuncios: por conta do adxudicatario.

Tomiño, 17 de novembro de 2003.

José Luis Fernández Lorenzo

Alcalde