O artigo 28 do vixente Estatuto de autonomía de Galicia establece no seu punto 2º a competencia da Comunidade Autónoma galega no desenvolvemento lexislativo e a execución da lexislación do Estado en materia de expropiación forzosa.
As obras citadas no encabezamento da presente resolución atópanse incluídas no programa de obras que se realizarán con cargo ó programa 413-B construcción, conservación e explotación de estradas.
Con data do 22 de xullo do 2003 o director xeral de Obras Públicas, por delegación do conselleiro de Política Territorial, Obras Públicas e Vivenda aprobou o proxecto de trazado das obras AC/03/106.01 Enlace da Cidade da Cultura de Galicia coa autoestrada A-9 en Santiago de Compostela.
Con data do 24 de xullo de 2003 a Xunta de Galicia procedeu a declara-la utilidade pública e urxente a ocupación dos bens e dereitos necesarios para efectos de expropiación para a mencionada obra por Decreto 336/2003, publicado no DOG nº 152, do do 7 de agosto.
Na súa virtude e en cumprimento do disposto nos artigos 52 da vixente Lei de expropiación forzosa do 16 de decembro de 1954 e 56 e seguintes do
regulamento para a súa aplicación, este servicio, en uso das facultades que lle confire o artigo 98 da mencionada lei, resolveu convoca-los titulares de bens e dereitos afectados que figuran na relación exposta no taboleiro de anuncios do Concello de Santiago, para que comparezcan nos lugares, datas e horas que se detallan a continuación co fin de proceder ó levantamento das actas previas á ocupación nas que se recollerán os datos necesarios para determina-los dereitos afectados, o valor destes e os prexuízos determinantes da rápida ocupación, sen prexuízo de se trasladaren ó lugar dos predios se se considera necesario.
Local: Asociación de Veciños de Viso.
Día: 18 de decembro de 2003 de 10.30 a 13.30 horas.
De Antelo Mourullo, José ata González Quintas, Asunción.
Día 19 de decembro de 2003 de 10.30 a 13.30 horas.
De González Sayar, Antonio ata Vilar Montero, Antonio.
A relación de titulares cos bens e dereitos afectados, así como o plano parcelario correspondente estarán expostos no Concello de Santiago de Compostela e no Servicio Provincial de Estradas da Coruña (praza Luis Seoane, s/n 8ª planta. 15071 A Coruña).
Ó dito acto deberán acudi-los titulares afectados persoalmente ou ben representados pola persoa debidamente autorizada para actuar no seu nome, presentando os documentos acreditativos da súa titularidade, DNI e o último recibo da contribución podendo facerse acompañar pola súa conta, se o estiman oportuno, dos seus peritos e notario.
Así mesmo e no cumprimento do establecido no artigo 56 do Regulamento da Lei de expropiación forzosa ábrese información pública durante un prazo de 15 días hábiles, contados a partir do seguinte ó da publicación da presente resolución e ata o momento do levantamento da acta previa correspondente, co fin de que os interesados poidan formular por escrito, ante este Servicio Provincial de Estradas da Coruña, praza Luis Seoane s/n, 8ª planta, as alegacións que estimen pertinentes con obxecto de enmendar posibles erros padecidos ó relaciona-los bens afectados pola urxente ocupación.
A Coruña, 12 de novembro de 2003.
José Luis Rodríguez Alonso
Enxeñeiro xefe do Servicio Provincial de Estradas
da Coruña