A Lei orgánica 6/2001, do 21 de decembro, de universidades, recolle no seu artigo 14 o Consello Social como o órgano de participación da sociedade na universidade, remitindo, en canto á súa composición, funcións e designación dos seus membros, á lei da Comunidade Autónoma correspondente.
A Lei 1/2003, do Parlamento de Galicia, do 9 de maio, dos consellos sociais do Sistema Universitario de Galicia, regula o Consello Social de cada unha das universidades públicas que integran o Sistema Universitario de Galicia como órgano colexiado de goberno da universidade que garanta a participación da sociedade na vida universitaria galega.
O artigo 7 desta lei determina a composición do Consello Social e os procedementos de designación e nomeamento dos seus membros.
Neste senso, a Universidade da Coruña, en uso das súas competencias, procedeu á designación dos representantes que lle corresponden segundo o disposto no artigo 7.2º da Lei 1/2003, do 9 de maio, dos consellos sociais do Sistema Universitario de Galicia, e remitiulle as correspondentes comunicacións á Consellería de Educación e Ordenación Universitaria.
Do mesmo xeito, cada unha das institucións e entidades previstas no artigo 7.3º da citada Lei 1/2003, remitiulle á Consellería de Educación e Ordenación Universitaria a comunicación coa designación dos seus representantes. Así mesmo, recibiuse xa nesta consellería, en cumprimento do artigo 8 da citada lei, o documento preceptivo de non ter incorrido en incompatibilidade.
Nomeado José Antonio Quiroga y Piñeyro presidente do Consello Social da Universidade da Coruña, polo Decreto 335/2003, do 24 de xullo (DOG do 7 de agosto).
Na súa virtude, esta consellería, cumprindo o establecido no artigo 7 (números 4º e 5º) e na disposición transitoria primeira da citada Lei 1/2003,
DISPÓN:
Artigo único.-Facer pública a composición do Consello Social da Universidade da Coruña que estará constituído polos seguintes membros:
I. En representación do Consello de Goberno da Universidade da Coruña:
-Alfonso Barca Lozano, en funcións de rector da universidade.
-Marta María García Pérez, secretaria xeral da universidade.
-Víctor Manuel Cabrera Sánchez, xerente da universidade.
-Rafael María García Rodríguez, profesor, membro do consello de goberno.
-Pablo Álvarez Pichel , estudiante, membro do consello de goberno.
-Carmen Osinde Pena, representante do PAS, membro do consello de goberno.
II. En representación dos intereses sociais de Galicia.
a) Designados polo Parlamento de Galicia.
-Manuel Caamaño Suárez.
-José Luis Calvo Pumpido.
-Carlos González Fernández.
-José Manuel Liaño Flores.
-Ramón Núñez Centella.
-José Manuel Vilariño Anca.
b) Designados pola Xunta de Galicia.
-José Antonio Quiroga y Piñeyro, presidente do consello social.
-Agustín Ordóñez Armán.
-Epifanio Campo Fernández.
-Amador de Castro Pérez.
-Antonio Abril Abadín.
-Juan Caamaño Cebreiro.
-José Manuel Moure Vieites.
c) Designados polos sindicatos.
-José Manuel Pose Mesura, pola Unión Xeral de Traballadores.
-Juan del Valle Codesal, por Comisións Obreiras de Galicia.
d) Designados polas organizacións empresariais.
-Julio Rivero Gómez.
-Ángel García Prieto.
-Enrique Ulloa Canalejo.
-Antonio Couceiro Méndez.
e) Designados polas corporacións locais dos concellos dos campus.
-Carmen Marón Beltrán, polo Concello da Coruña.
-José Manuel Couce Fraguela, polo Concello de Ferrol.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 19 de novembro de 2003.
Celso Currás Fernández
Conselleiro de Educación e Ordenación Universitaria