A Lei orgánica 6/2001, do 21 de decembro, de universidades, recolle no seu artigo 14 o consello Social como o órgano de participación da sociedade na universidade, remitindo en canto á súa composición, funcións e designación dos seus membros, á lei da Comunidade Autónoma correspondente.
A Lei 1/2003, do Parlamento de Galicia, do 9 de maio, dos consellos sociais do sistema universitario de Galicia, regula o consello social de cada unha das universidades públicas que integran o sistema universitario de Galicia como órgano colexiado de goberno da universidade que garanta a participación da sociedade na vida universitaria galega.
O artigo 7 desta lei determina a composición do consello social e os procedementos de designación e nomeamento dos seus membros.
Neste senso, a Universidade de Vigo, en uso das súas competencias, procedeu á designación dos representantes, agás o dos estudiantes, que lle corresponden segundo o disposto no artigo 7.2º da Lei 1/2003, do 9 de maio, dos consellos sociais do sistema universitario de Galicia, e remitiulle as correspondentes comunicacións á Consellería de Educación e Ordenación Universitaria.
Do mesmo xeito, cada unha das institucións e entidades previstas no artigo 7.3º da citada Lei 1/2003, remitiulle á Consellería de Educación e Ordenación Universitaria a comunicación coa designación dos seus representantes. Así mesmo, recibiuse xa nesta consellería, en cumprimento do artigo 8 da citada lei, o documento preceptivo de non ter incorrido en incompatibilidade.
Nomeado Emilio Atrio Abad presidente do Consello Social da Universidade de Vigo, polo Decreto 333/2003, do 24 de xullo (DOG do 7 de agosto).
Na súa virtude, esta consellería, cumprindo o establecido no artigo 7 (puntos 4º e 5º) e na disposición transitoria primeira da citada Lei 1/2003,
DISPÓN:
Artigo único.-Facer pública a composición do Consello Social da Universidade de Vigo que estará constituído polos seguintes membros:
I. En representación do Consello de Goberno da Universidade de Vigo:
-Domingo Docampo Amoedo, rector da universidade.
-Mª Teresa Iglesias Randulfe, secretaria xeral da universidade.
-Augusto Viso Alonso, xerente da universidade.
-Alberto Gago Rodríguez, profesor, membro do Consello de Goberno.
-Sergio Pajares Domínguez, representante do PAS, membro do Consello de Goberno.
II. En representación dos intereses sociais de Galicia.
a) Designados polo Parlamento de Galicia.
-Aurora Carbajal Abal.
-Luis Carrera Pásaro.
-José María Franco García.
-José Manuel García López.
-María Xesús López Escudeiro.
-Concepción Rúa González.
b) Designados pola Xunta de Galicia.
-Emilio Atrio Abad, presidente do Consello Social.
-Ernesto Pedrosa Silva.
-José Luis Pichel Fernández.
-Amador Vázquez Vázquez.
-Alfonso Cortés Castañera.
-José Ramón Gago Alonso.
-Alfredo Díaz Grande.
c) Designados polos sindicatos.
-Luis Casanova González, pola Unión Xeral de Traballadores.
-Juan Ignacio Pérez Méndez, por Comisións Obreiras de Galicia.
d) Designados polas organizacións empresariais.
-José Manuel Fernández Alvariño.
-Guillermo Alonso Jáudenes.
-Francisco Rodríguez García.
-Manuel Rodríguez de la Fuente.
e) Designados polas corporacións locais dos concellos dos campus.
-Lois Pérez Castrillo, polo Concello de Vigo.
-Guillermo Antonio Meijón Couselo, polo Concello de Pontevedra.
-Belén Girón Vélez, polo Concello de Ourense.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 19 de novembro de 2003.
Celso Currás Fernández
Conselleiro de Educación e Ordenación
Universitaria