Aprobado inicialmente pola Comisión Municipal de Goberno con data do 9 de xuño de 2003 o Plan parcial de ordenación do sector do solo urbanizable privado concertado SURPC B-4, sométese o devandito acordo de aprobación inicial a información pública durante o prazo de dous meses a través de anuncio publicado no DOG e en dous dos xornais de maior circulación da provincia, neste último caso, en dous días consecutivos. Simultaneamente notifícase individualmente a tódolos propietarios dos terreos afectados.

Durante o trámite de información pública solicítanse igualmente os informes sectoriais que resultan preceptivos (Dirección Xeral de Estradas e Patrimonio).

O que se fai público para xeral coñecemento de acordo co disposto nos artigos 63 a 65, 83, 84 e 86.1º da Lei 9/2002, do 30 de decembro, de ordenación urbanística do territorio e protección do medio rual de Galicia.

Boiro, 13 de novembro de 2003.

Xosé Deira Triñanes

Alcalde presidente