O Pleno do Concello, en sesión do día 31 de outubro de 2003, aprobou definitivamente o estudio de detalle para o establecemento de aliñacións e rasantes na rúa prevista polo PXOM entre a rúa dos Corzás e a rúa Alta, redactado polos arquitectos Fernando Casqueiro Barreiro e Javier Vizcaíno Monti, con data de abril de 2002.

En cumprimento do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, publícase o presente anuncio e remitirase á Consellería de Política Territorial, Obras Públicas e Vivenda copia autenticada do expediente e dous exemplares do instrumento aprobado definitivamente, debidamente dilixenciados polo secretario do concello.

Contra o acordo de aprobación definitiva, que pon fin á vía administrativa, poderase interpoñer recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ó de publicación deste anuncio.

Mugardos, 6 de novembro de 2003.

Xosé Fernández Barcia

Alcalde