Mediante resolución rectoral da Universidade de Vigo, do 20 de novembro de 2001 (BOE do 14 de decembro), convocouse a concurso a praza con referencia 157/2001, pertencente ó corpo de catedráticos de universidade da área de coñecemento de linguaxes e sistemas informáticos, do departamento de Informática.
De conformidade coa proposta formulada pola comisión constituída para resolve-lo concurso, e ó non obte-lo aspirante presentado o número mínimo de votos favorables necesarios para ser proposto para a provisión da praza, segundo establece o artigo 11 do Real decreto 1888/1984, do 26 de setembro.
Este rectorado resolveu declara-la non provisión da praza referenciada do corpo de catedráticos de universidade e concluído o procedemento selectivo.
Contra esta resolución, que esgota a vía administrativa, poderase interpoñer recurso perante a xurisdicción contencioso-administrativa, no prazo de dous meses contados a partir do día seguinte ó da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdicción contencioso-administrativa.
Non obstante, os interesados poderán optar por interpoñer contra esta resolución recurso de reposición, no prazo dun mes contado a partir do día seguinte ó da publicación no Boletín Oficial del Estado, perante o mesmo órgano que a dictou.
Neste caso non caberá interpoñe-lo recurso contencioso-administrativo antes citado mentres non recaia resolución expresa ou presunta do recurso de reposición, de acordo co disposto na Lei 4/1999, do 13 de xaneiro, modificadora da Lei 30/1992, do 26 de novembro, de réxime xurídico das administracións públicas e do procedemento administrativo común.
Vigo, 27 de outubro de 2003.
Domingo Docampo Amoedo
Rector da Universidade de Vigo