De conformidade co establecido no artigo 27.2º da Lei 4/1988, do 26 de maio, da función pública de Galicia, na súa nova redacción dada polas leis 4/1991, do 8 de marzo, e 3/1995, do 10 de abril, e no artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 15.4º da mesma lei, esta consellería
DISPÓN:
Primeiro.-Anuncia-la convocatoria para cubrir, polo sistema de libre designación, os postos de traballo que se indican no anexo I desta orde.
Segundo.-Poderán concorrer a ela os funcionarios de carreira que reúnan as condicións sinaladas no anexo I.
Terceiro.-As solicitudes dirixiranse por escrito, segundo o modelo que se inclúe no anexo II, á Secretaría Xeral da Consellería de Innovación, Industria e Comercio, no prazo de 15 días contados a partir do seguinte ó da publicación desta orde no Diario Oficial de Galicia, podendo presentarse en calquera das formas previstas no artigo 38.4º da Lei 30/1992, do 26 de novembro.
Cuarto.-Os aspirantes deberán unirlle á petición un curriculum vitae e xustificar documentalmente os méritos que aleguen. Os méritos alegados e non probados non se terán en conta.
Quinto.-Esta convocatoria será resolta pola Consellería de Innovación, Industria e Comercio. No caso de que resulten seleccionados para ocupa-los postos de traballo que se anuncian no anexo I desta orde funcionarios con destino noutra Administración pública, ou que presten servicios nesta Comunidade Autónoma como consecuencia dunha comisión de servicios concedida conforme o disposto na disposición transitoria oitava, punto 4º da Lei 30/1984, do 2 de agosto, requirirase informe favorable da
Administración de orixe que, de non emitirse no prazo de 15 días, se considerará favorable, conforme o previsto no artigo 67 do Real decreto 364/1995, do 10 de marzo, e demais disposicións concordantes. Unha vez tramitado o seu traslado a esta comunidade autónoma, procederase a adxudicárlle-los postos para os que foron seleccionados.
Se no prazo de dous meses a partir da publicación da resolución no DOG o funcionario seleccionado non se puidese incorporar ó seu posto de traballo por non atoparse resolto o seu traslado á Comunidade Autónoma de Galicia, considerarase deserto o posto e poderase proceder de novo á súa provisión.
Sexto.-A resolución desta convocatoria farase pública no DOG e poderá declararse deserto o posto, se se considera oportuno.
Sétimo.-O prazo de toma de posesión será de tres días se o destino anterior radica na mesma localidade do novo destino e dun mes se radica en localidade distinta ou comporta o reingreso ó servicio activo.
O prazo de toma de posesión empezarase a contar a partir do día seguinte ó do cesamento, que deberá producirse dentro dos tres días seguintes ó da publicación da resolución desta orde no Diario Oficial de Galicia, ou desde a data na que se comunique a resolución do traslado á comunidade autónoma, para o caso de funcionarios doutras administracións públicas.
Se a resolución comporta o reingreso ó servicio activo, o prazo de toma de posesión empezarase a contar a partir do día seguinte ó da publicación da resolución no DOG.
Oitava.-Contra esta orde, que pon fin á vía administrativa, os interesados poderán interpoñer potestativamente recurso de reposición ante este mesmo órgano no prazo dun mes, contado a partir do día seguinte ó da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán interpoñer recurso contencioso-administrativo ante o xulgado do contencioso-administrativo competente no prazo de dous meses contados a partir do día seguinte ó da súa publicación.
Santiago de Compostela, 6 de novembro de 2003.
Juan Rodríguez Yuste
Conselleiro de Innovación, Industria e Comercio
ANEXO I
Código: IC.C99.10.000.27001.103.
Denominación do posto: secretario/a provincial.
Dependencia: Delegación Provincial de Lugo.
Localidade: Lugo.
Tipos de posto: S.
Corpo ou escala: xeral.
Grupo: AB.
Nivel: 28.
C. específico: 11.082,96 euros.
Tipo de adscrición: A11 (adscrición indistinta a funcionarios da Administración da Xunta de Galicia, Administración do Estado, Administración de comunidades autónomas).
Formación específica: 640 (para persoal doutra Administración, curso de perfeccionamento de galego R.I.).
Código: IC.C99.10.000.27001.105.
Denominación do posto: xefe do Servicio Administración Industrial.
Dependencia: Delegación Provincial de Lugo.
Localidade: Lugo.
Tipos de posto: S.
Corpo ou escala: xeral/especial.
Grupo: AB.
Nivel: 28.
C.específico: 9.309,72 euros.
Tipo de adscrición: A11 (adscrición indistinta a funcionarios da Administración da Xunta de Galicia, Administración do Estado, Administración de comunidades autónomas).
Formación específica: 640 (para persoal doutra Administración, curso de perfeccionamento de galego R.I.).
Código: IC.C99.10.000.27001.113.
Denominación do posto: xefe do Servicio Enerxía e Minas.
Dependencia: Delegación Provincial de Lugo.
Localidade: Lugo.
Tipos de posto: S.
Corpo ou escala: xeral/especial.
Grupo: AB.
Nivel: 28.
C. específico: 9.309,72 euros.
Tipo de adscrición: A11 (adscrición indistinta a funcionarios da Administración da Xunta de Galicia, Administración do Estado, Administración de comunidades autónomas).
Formación específica: 640 (para persoal doutra Administración, curso de perfeccionamento de galego R.I.)
ANEXO II
NOTA: úsese o publicado nas páxinas 14.220 e 14.221.