O Igape e a Consellería de Pesca e Asuntos Marítimos, con data 21 de xuño de 2001, asinaron un convenio de colaboración co obxecto de establecer unha liña de apoio financeiro específico para o sector pesqueiro de Galicia, dentro da política de apoio á pequena e mediana empresa e que constitúe unha axuda complementaria ós incentivos que para este sector ten establecido a citada consellería.
Entendendo cumpridos os obxectivos previstos, o convenio foi denunciado con data 21 de xullo de 2003 (DOG nº 148, do 1 de agosto), coa previsión de deixar atendidos os proxectos con resolución favorable da Consellería de Pesca e Asuntos Marítimos de data anterior ó 1 de xaneiro de 2003.
Detectada a existencia de resolucións da Consellería de Pesca e Asuntos Marítimos dictadas no exercicio 2003 pero correspondentes á convocatoria de axudas para 2002, e tendo en conta que o espírito do acordo foi deixar atendidos aqueles expedientes da convocatoria de axudas do 2002, compre matiza-lo acordo anterior, eliminando para tal fin o límite temporal do 1 de xaneiro de 2003 para as resolucións de concesión que se refiran ás convocatorias de axuda anteriores ó exercicio corrente.
Para asegurar que esta modificación das condicións sexa operativa para tódolos posibles interesados, é conveniente ampliar prudencialmente o prazo de presentación de solicitudes no Igape.
Polo que antecede, e en virtude das facultades que teño conferidas mediante o artigo 12 a) da Lei 5/1992, do 10 de xuño, de creación do Instituto Galego de Promoción Económica e do artigo 11.1º a) do Decreto 317/1992, do 12 de novembro, polo que se aproba o seu regulamento.
RESOLVO:
Facer público, como anexo a esta resolución, o texto do acordo de modificación, aprobado polo Consello de Dirección do Igape en data 29 de outubro de 2003, do convenio de apoio financeiro ó sector pesqueiro galego subscrito entre o Igape e as entidades financeiras o 21 de xuño de 2001.
Santiago de Compostela, 5 de novembro de 2003.
Margarita Rodríguez Rama
Directora xeral do Instituto Galego
de Promoción Económica
ANEXO
Modificación do convenio de apoio financeiro ó sector pesqueiro galego subscrito entre o Igape e as entidades financeiras o 21 de xuño de 2001
Santiago de Compostela, 5 de novembro de 2003
REUNIDOS:
Dunha parte, o conselleiro de Economía e Facenda e presidente do Instituto Galego de Promoción Económica, José Antonio Orza Fernández, en nome e representación do dito instituto.
Doutra parte.................... (en diante a entidade de crédito), representada por ......................., con poder suficiente para obrigalo neste acto.
EXPOÑEN:
O Igape e a Consellería de Pesca e Asuntos Marítimos, con data 21 de xuño de 2001, asinaron un convenio de colaboración co obxecto de establecer unha liña de apoio financeiro específico para o sector pesqueiro de Galicia, dentro da política de apoio á pequena e mediana empresa e que constitúe unha axuda complementaria ós incentivos que para este sector ten establecido a citada consellería.
Entendendo cumpridos os obxectivos previstos, o convenio foi denunciado con data 21 de xullo de 2003 (DOG nº 148, do 1 de agosto), coa previsión
de deixar atendidos os proxectos con resolución favorable da Consellería de Pesca e Asuntos Marítimos ata o dito exercicio.
Detectada a existencia de resolucións da Consellería de Pesca e Asuntos Marítimos dictadas no exercicio 2003 pero correspondentes á convocatoria de axudas para 2002, e tendo en conta que o espírito do acordo foi deixar atendidos aqueles expedientes da convocatoria de axudas de 2002, compre matiza-lo acordo anterior, eliminando para tal fin o límite temporal do 1 de xaneiro de 2003 para as resolucións de concesión que se refiran ás convocatorias de axuda anteriores ó exercicio corrente.
Para asegurar que esta modificación das condicións sexa operativa para tódolos posibles interesados, é conveniente ampliar prudencialmente o prazo de presentación de solicitudes no Igape.
Polo que antecede, as partes reunidas, en relación ó convenio de apoio financeiro ó sector pesqueiro asinado o 21 de xuño de 2001 (DOG nº 133, do 10 de xullo), modificado mediante addendas do 1 de xullo de 2001 (DOG nº 177, do 12 de setembro), e 21 de xullo de 2003 (DOG nº 148, de 1 de agosto),
ACORDAN:
Modifica-lo convenio de apoio financeiro ó sector pesqueiro galego subscrito entre o Igape e as entidades financeiras en data 21 de xuño de 2001, nos seguintes termos:
1. O Igape atenderá, dentro dos créditos dispoñibles, os proxectos de investimento que tiveran unha resolución de concesión ó abeiro das convocatorias anuais anteriores ó exercicio 2003 das ordes da Consellería de Pesca, Marisqueo e Acuicultura de datas 14 de xullo de 2000, 17 de xullo de 2000, 26 de xullo de 2000 e 21 de setembro de 2000.
2. Amplíase ata o 1 de decembro de 2003 o prazo para presenta-las solicitudes no Igape.
Pola entidade financeiraPolo Igape
RubricadoRubricado
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA