A Alcaldía Presidencia, con data 3 de setembro de 2003, dictou a seguinte resolución:
«Primeiro.-Aprobar inicialmente o proxecto de expropiación das denominadas parcela nº 1 (propietarios: Luis Galán Sequeiros, Manuel Galán Barbeito e José Luis Galán Barbeito) e parcela nº 2 (Manuela Barbeito Miramontes e herdeiros de Manuel Barbeito Velo), como consecuencia da imposibilidade de dar cumprimento ós convenios do 11 de novembro e 1994 e do acordo plenario do 11 de novembro de 2002.
Segundo.-Optar polo procedemento de taxación conxunta para a tramitación do expediente.
Terceiro.-Requirir os interesados titulares de bens e dereitos afectados para que presenten os títulos que os acrediten como propietarios delas.
Cuarto.-Expoñer ó público o proxecto polo prazo dun mes, para que os que poidan resultar interesados formulen as observacións e reclamacións que consideren convenientes, en particular no que concirne á titularidade e valoración dos seus respectivos dereitos.
Quinto.-Notificar individualmente os que aparezan como titulares de bens e dereitos no expediente, mediante traslado literal da correspondente folla de aprecio e da proposta de fixación dos criterios de valoración, para que poidan formular alegacións no prazo dun mes contado a partir da data da notificación».
De conformidade co disposto no artigo 143.2º e 3º da Lei 9/2002, de ordenación urbanística e protección do medio rural de Galicia, o citado expediente sométese a información pública polo prazo dun mes para que quen poida resultar interesado formule as observacións e reclamacións que considere pertinentes.
Para estos efectos indícase que o expediente pode consultarse durante o prazo dun mes nas dependencias da Área de Urbanismo (rúa do Parque-Antigo Cuartel de Intendencia) de luns a venres.
A presente resolución servirá de notificación para os interesados que resulten descoñecidos ou respecto dos cales se ignore o lugar para a práctica da notificación, de acordo co previsto no artigo 59 da Lei 30/1992.
A Coruña, 9 de outubro de 2003.
O alcalde
P.D.
José Luis Méndez Romeu
