Aprobado pola Comisión de Goberno deste concello o prego de condicións económico-administrativas, que rexerá o concurso por procedemento aberto e trámite de urxencia da obra denominada reforma de edificio para centro de día para maiores, exponse ó público polo prazo de catro días naturais seguintes ó da derradeira publicación deste anuncio no DOG e no BOP, para efectos de reclamacións. Simultaneamente anúnciase o concurso para a presentación de propostas, adiándose á licitación no caso de se formularen reclamacións contra o prego.
Obra: reforma do edificio para centro de día para maiores. Lugar de execución: As Neves. Prazo máximo de execución: dezaoito meses.
Tipo máximo de licitación: 244.545,13 euros, IVE incluído. A obra executarase en dúas anualidades:
Anualidade 2003: 35.000,00 euros.
Anualidade 2004: 209.545,13 euros.
Forma de adxudicación: concurso por procedemento aberto.
Tramitación: urxente.
Clasificación da empresa contratista: categoría C, grupo C, subgrupos 2, 4, 5, 6, 7 e 9.
Garantías: provisional: 2% do tipo de licitación. Definitiva: 4% do prezo de adxudicación.
Criterios de adxudicación: os establecidos no artigo 15 do prego de condicións.
Obtención da documentación e información: Casa do Concello das Neves.
Domicilio: praza da Cristiandade, s/n, 36440 As Neves (Pontevedra). Teléfono: 986 64 80 38. Fax: 986 64 80 52.
Data límite: ata o último día do prazo de presentación de ofertas.
Presentación de ofertas: durante 13 días naturais seguintes á publicación do derradeiro anuncio de licitación no BOP ou no DOG.
Documentación: a esixida no prego de condicións.
Lugar de presentación: rexistro xeral do Concello das Neves, das 9.00 ás 13.00 horas, de luns a sábados.
Apertura das ofertas: na Casa do Concello das Neves, ás 13.00 horas do día hábil seguinte ó día de remate do prazo para presentación de ofertas.
As Neves, 5 de novembro de 2003.
Raúl Emilio Castro Rodríguez
Alcalde-presidente