No BOP de Ourense, do día da data, publícanse íntegros os pregos de condicións para a contratación da subministración de areas, ligantes, formigóns, barreiras de seguridade e marcas viarias para o primeiro semestre de 2004, mediante concurso, en procedemento aberto e trámite ordinario. As ofertas e a documentación presentaranse ata as 14.00 horas do décimo quinto día natural seguinte ó da publicación deste anuncio no DOG, no rexistro da Deputación Provincial de Ourense. A apertura de plicas terá lugar o quinto día hábil posterior (agás sábados) á finalización do prazo de presentación de ofertas, ás 12.00 horas, no pazo provincial. A documentación necesaria, modelo de presentación e demais datos figuran no mencionado prego de condicións, que lles será facilitado gratuitamente ós que o soliciten, no

rexistro da Deputación Provincial de Ourense, rúa Progreso, 32, ou por teléfono: 988 38 51 00 e fax: 988 38 51 84.

Ourense, 5 de novembro de 2003.

José Luis Baltar Pumar

Presidente da Deputación Provincial de Ourense