A Comisión de Goberno deste concello, na sesión do 24-5-2003, acordou aprobar inicialmente o estudio de detalle do APOD-11 do PXOM de Miño, presentado por José Antonio Rodríguez Manteiga como único propietario e redactado polo arquitecto Celada Gómez, con data do visado do COAG do 30-4-2003.

Sométese a información pública durante o prazo de vinte días, mediante a publicación de anuncios no taboleiro de edictos do concello, DOG e un dos xornais de maior circulación da provincia, conforme establece o artigo 86.2º da Lei 9/2002, do 30 de decembro, de ordenación urbanística e protección do medio rural de Galicia.

Faise público para o coñecemento xeral, con indicación de que o prazo de exposición pública entenderase aberto desde a publicación do primeiro anuncio ata transcorridos vinte días desde a última publicación.

O expediente atópase á disposición do público na secretaría do concello.

Miño, 23 de outubro de 2003.

Juan A. Maceiras Barros

Alcalde