Dentro do plan de actividades da EGAP para o 2003, e a través do Centro de Estudios Locais de Galicia, e conforme coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas xornadas sobre a aplicación do imposto sobre o valor engadido ás entidades locais, convocatoria que se desenvolverá conforme as seguintes bases:

Primeira.-Obxectivos.

Análise exhaustiva das consecuencias prácticas da aplicación do imposto sobre o valor engadido ós servicios e actividades das entidades locais, desde a perspectiva fiscal, orzamentaria, contable e de xestión.

Segunda.-Contido.

Trataranse estes temas:

O feito impoñible do imposto sobre o valor engadido e os servicios públicos locais. O feito impoñible

do IVE e a actividade municipal dos entes locais. Determinación da base impoñible, do tipo de gravame e da cota tributaria do IVE. A aplicación da regra do pro rata. A obriga de expedición de facturas. Réxime de declaracións do IVE. Réxime orzamentario e contable do IVE nas entidades locais. O procedemento recadatorio municipal e o IVE.

Terceira.-Destinatarios.

Persoal ó servicio da Administración local galega, da Xunta de Galicia e interesados en xeral.

Cuarta.-Desenvolvemento.

Horario: mañá e tarde.

Lugar e data: as xornadas convocada desenvolverase no salón de actos da Deputación Provincial de Lugo, r/ San Marcos, 8, Lugo, os días 25 e 26 de novembro de 2003.

Quinta.-Inscrición.

Prazo: remata o martes día 21 de novembro de 2003.

Tramitación de solicitudes: as solicitudes irán dirixidas ó director da Escola Galega de Administración Pública, segundo o modelo que figura como anexo a esta convocatoria e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30.

Nº de prazas: limitado á capacidade do local.

Inscrición fóra de prazo: só se admitirán de quedaren prazas baleiras, coa condición de que se cumpran os requisitos xerais antes indicados.

Os peticionarios poderán obter confirmación da súa posible admisión, chamando por teléfono, o día 24 de novembro, de 8.30 a 14.30 horas, ós seguintes números: 981 54 62 57 ou 981 54 62 56.

Sexta.-Modificacións.

A EGAP reserva para si a facultade de interpretar e de resolve-las incidencias que puidesen xurdir no desenvolvemento da xornada, así como a de cancelala se o escaso número de solicitudes non xustificase a súa realización.

Sétima.-Certificado de asistencia.

Entregaráselles ó remate desta xornada a aquelas persoas inscritas que concorresen asiduamente a ela, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.

Santiago de Compostela, 31 de outubro de 2003.

Domingo Bello Janeiro

Director da Escola Galega de Administración

Pública