Por orde da Consellería de Innovación, Industria e Comercio do 17 de xullo de 2003 (DOG do 28 de xullo), convocouse o Premio Antonio Casares y Rodrigo de Investigación Científico-Técnica e o Premio para Investigadores Mozos (área científico-técnica), correspondentes ós Premios Galicia de Investigación 2003.
De acordo co establecido nas bases da convocatoria, a decisión adoptada polo xurado debe coñecerse mediante a correspondente publicación do Diario Oficial de Galicia.
En consecuencia, e tendo en conta a proposta elaborada polo xurado,
RESOLVO:
Primeiro.-Concede-lo Premio Antonio Casares y Rodrigo de Investigación Científico-Técnica a Luis Castedo Expósito.
Segundo.-Concede-lo Premio para Investigadores Mozos (área científico-técnica) a José Francisco Rivadulla Fernández.
A presente resolución pon fin á vía administrativa segundo o disposto nos artigos 114 e seguintes da Lei 4/1999, do 13 de xaneiro, que modifica a Lei 30/1992, de réxime xurídico das administracións públicas e do procedemento administrativo común.
Santiago de Compostela, 31 de outubro de 2003.
P.D. (Orde 21-1-2003)
Jesús Vázquez San Luis
Secretario xeral da Consellería de Innovación,
Industria e Comercio