A orde da Consellería de Innovación, Industria e Comercio do 7 de xullo de 2003 (DOG do 15 de xullo) aproba as bases que rexerán as convocatorias de bolsas para persoal auxiliar de investigación (técnicos especialistas de FP-2).

De acordo co establecido na base 5 da devandita orde, desde o 16 ó 26 de setembro expuxéronse as listas de solicitudes admitidas e excluídas, podendo

durante ese período os interesados formular reclamacións para emendar erros e falta de documentos.

Rematado este prazo e revisadas as reclamacións presentadas, as solicitudes admitidas foron estudiadas pola Comisión de Selección, conforme o establecido na base 6 da convocatoria.

Na súa virtude, atendendo á proposta elaborada pola aludida comisión,

RESOLVO:

Primeiro.-Concederlles bolsas ás persoas que se relacionan no anexo I a esta resolución, para colaborar nas actividades de investigación dos centros que en cada caso se indican.

Dentro de cada especialidade, as adxudicacións realizáronse tendo en conta a puntuación obtida polo solicitante así como o centro solicitado.

Os beneficiarios das bolsas relaciónanse por orde alfabética.

Segundo.-Establecer unha lista de suplentes constituída polas persoas que se relacionan no anexo II, ordenados por puntuación decrecente dentro de cada especialidade.

Os suplentes que sexan convocados para cubri-las vacantes que puidesen producirse, para poder acada-la bolsa correspondente, deberán cumprir, na data prevista para o comezo da bolsa os requisitos establecidos no punto 1 das bases da convocatoria.

Terceira.-Para calquera incidencia durante o período de aproveitamento destas bolsas, será de aplicación o disposto na base 11 da Orde do 7 de xullo de 2003.

Cuarto.-A inobservancia por parte dos beneficiarios de calquera das bases establecidas na orde de convocatoria suporá a perda do dereito a percibi-la bolsa correspondente.

Quinto.-Contra esta resolución poderán os interesados interpoñer recurso de reposición ante o mesmo órgano no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la presentación deste recurso poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 30 de outubro de 2003.

P.D. (Orde 21-1-2003, DOG do 27 de xaneiro)

Jesús Vázquez San Luis

Secretario xeral da Consellería de Innovación,

Industria e Comercio

ANEXO I