O Pleno deste concello, en sesión do día vintecatro de outubro de dous mil tres, aprobou os pregos de cláusulas administrativas particulares e prescricións técnicas que rexerán o concurso público para a redacción do Plan Xeral de Ordenación Municipal.
O dito prego exponse ó público polo período de oito días hábiles para os efectos de reclamacións.
Simultaneamente, anúnciase o concurso, se ben este se aprazará de presentarse reclamacións contra o dito prego.
Caractarísticas.
1. Entidade adxudicataria: Concello de Cenlle (Ourense).
2. Obxecto do contrato: traballos para a redacción do Plan Xeral de Ordenación Municipal.
3. Tramitación: ordinaria. Procedemento: aberto. Sistema de selección do contratista: concurso.
4. Tipo de licitación: 51.832 euros.
5. Información e documentación: o expediente e os pregos atópanse á disposición do público nas oficinas municipais de Trasariz, de 9.00 a 14.00 horas, en día hábiles. Teléfono: 988 40 06 03.
6. Presentación de ofertas: dentro dos quince días naturais seguintes ó da publicación do anuncio de contratación no DOG e BOP.
7. Garantías: provisoria: 2% do tipo de licitación. Definitiva: 4% do importe de adxudicación.
8. Apertura de ofertas: terá lugar nas oficinas municipais do concello, sitas ne Trasariz, ás doce horas do terceiro día hábil seguinte a aquel en que finalice o prazo de presentación de proposicións, entendéndose que se ese día fose sábado, se pasará ó primeiro día seguinte hábil.
9. Prazo de execución: 4 anos.
10. A documentación que se presentará e os criterios que servirán de base á selección e demais características do concurso figuran establecidas nos pregos de cláusulas administrativas particulares.
Cenlle, 27 de outubro de 2003.
O alcalde
Rubricado