De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento das empresas relacionadas no anexo, relativo á axuda ós proxectos empresariais de investimento que contribúan á creación e mantemento de emprego estable (Orde do 7 de xullo de 1997, DOG nº 139, do 21 de xullo) que o presidente do Igape resolveu declarar incumpridas totalmente as condicións de concesión de subvención do expediente e determínase a revogación da axuda concedida.
Os actos obxecto deste anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. A resolución de incumprimento total non esgota a vía administrativa e contra ésta poderá interpor recurso de alzada, ante o conselleiro de Economía e Facenda, nun prazo dun mes desde a publicación deste edicto no Diario Oficial de Galicia. O expediente ponse de manifesto á entidade neste centro directivo sito en Santiago de Compostela, complexo administrativo San Lázaro, s/n.
En Santiago de Compostela o 2 de outubro de 2003.
Margarita Rodríguez Rama
Directora xeral do Instituto Galego
de Promoción Económica
ANEXO
incump. total
Empresa NIF Nº expediente Data resol.
Pirotecnia Artefogo, S.L. B-15657059 98/0060/CO 28-5-2003
Escuela Infantil Trasnos, S.L. B-15651250 98/0064/CO 30-5-2003
Geriátricos Lucenses, S.L. B-27239210 99/0030/LU 16-4-2003
Rom Video Dixital, S.L. B-38829950 97/0008/PO 10-7-2003